ഖുദുറത്

ശിശുവിന്‍റെ കൊഞ്ചലില്‍ പോലും മണി വീണ

ശ്രുതി ചേര്‍ത്തു വെച്ചൊരു പാട്ടുകാരാ

നാഡിമിടിപ്പിലും താളം കൊരുത്തൊരു

നാദ ബ്രഹ്മത്തിന്‍റെ കൂട്ടുകാരാ

ആരു നീ ആരു നീ ആരു നീ നിന്നെ ഞാന്‍

ആരെന്നു ചൊല്ലി വിളിച്ചിടെണ്ടു

ആരു നീ ആരു നീ ആരു നീ നിന്നെ ഞാന്‍

അള്ളാഹു എന്നു വിളിച്ച്ചിടട്ടെ

വിശ്വം മുഴുക്കെ മഴവില്ലു ചാലിച്ചു

വര്‍ണ്ണാഭമാക്കിയ ചിത്ര കാരാ

ചിരാതില്‍ കുരുക്കുന്ന നാളത്തിനും ലാസ്യ

ചാരുത യേകും മഹാ മാന്ത്രിക

ആരു നീ ആരു നീ ആരു നീ നിന്നെ ഞാന്‍

ആരെന്നു ചൊല്ലി വിളിച്ചിടെണ്ടു

ആരു നീ ആരു നീ ആരു നീ നിന്നെ ഞാന്‍

അള്ളാഹു എന്നു വിളിച്ച്ചിടട്ടെ

പ്രബഞ്ച ഗോളങ്ങളെ അമ്മാനമാടിയീ

ബ്രഹംമാണ്ട്ടമാകെ യുഗം തിരിക്കും

സൂക്ഷ്മാണുവില്‍ സര്‍വ്വ സംഹാരവും തീര്‍ത്ത

സ്രഷ്ടി സ്ഥിതിയുടെ സര്‍വ്വ നാഥാ

ആരു നീ ആരു നീ ആരു നീ നിന്നെ ഞാന്‍

ആരെന്നു ചൊല്ലി വിളിച്ചിടെണ്ടു

ആരു നീ ആരു നീ ആരു നീ നിന്നെ ഞാന്‍

അള്ളാഹു എന്നു വിളിച്ച്ചിടട്ടെ